На пладне во чаршија – “Матија Губец” Карловац , Хрватска
На пладне во чаршија - "Матија Губец" Карловац , Хрватска - Илинденски денови 2018
На пладне во чаршија - "Матија Губец" Карловац , Хрватска - Илинденски денови 2018
За разлика од многу други народи, кои уште во XIX век имаат развиено научни дисциплини и кадри кои ја издигаа националната етнографија и фолклористика за своите потреби, македонскиот народ дури по Втората светска војна, на територијата на денешна Република Македонија успеа да оформи институции кои што научно, стручно и ком-петентно започнуваат да ја третираат народната култура и традиција.
“Во денешните услови, расцвет на нашата национална култура, собирањето, чувањето, и доразвивањето на нашето народно творештво е општа, државна –…
Републичкиот фестивал на народни песни и игри “Илинденски денови”, Битола е воспоставен во 1971 година, со подршка на Собранието на Општина Битола, Културно – просветните заедници на Македонија и Битола, а под покровителство на Собранието на Република Македонија.
Републичкиот фестивал на народни песни и игри “Илинденски денови” Битола, својата дејност, својата мисија, веќе 40 години, ја базира преку оства-рување на следниве темелни поставки:
Народот, низ вековите, се вградил себеси во создавањето на една својствена, препознатлива народна култура, во чија што уметничка креација органски е вткаен својствениот бит, како знак за автентично постоење и самобитност, што не прави различни во светскиот културен и воопшто етнолошки мозаик.
Конституирањето на Републичкиот фестивал на народни песни и игри “Илинденски денови” Битола, како единствена сцена во Република Македонија, каде што на стручен и компетентен начин ќе се презентира, на соодветен начин валоризира и документира културното наследство, поттикна процес на развој на фолклорниот аматеризам.
Битола, градот домаќин, со својата многувековна културна традиција, со својата историја, со втемеленото чувство за вредности, е вистинското место каде што припаѓа фестивалот “Илинденски денови”.
Фестивалот “Илинденски денови” отвори нова патека, нов почеток, нова страница во мотивирањето за живо егзистирање и презентација на духовната култура.…
Фестивалот “Илинденски денови” е стожер за духовно поврзување на македонците од целиот свет. На фестивалската сцена, која претставува значајна врска со родната грутка, во изминатиот период се претставија околу 81 група на нашите иселеници и привремено вработени во странство, како и 36 групи на Македонците од околните земји од кои 24 групи од Пирин Бугарија, 8 групи од Егеј Грција и 4 групи од Албанија.
На тлото на Македонија, низ текот на вековите се втемелил соживот на различни етнички заедници и националности, еден мултикултурен мозаик кој е вистинско богатство на традиционални вредности.
Квалитетот продуциран на фестивалот поттикна голем број стручни лица, вљубеници во народната култура, фолклорни ансамбли од целиот свет, да доаѓаат, да го следат и да презентираат свои содржини.